الحسرة

[كريم يحيى]

الحسرة
ـــــــ
حسرة عليك يا بني
يا للي قعدت تبنى
وتعلى في قلب البيت
وعلى لسانك ميت ياريت
حسرة عليك يا بن مصر
يا للي سكنت في اعلي قصر
وفجأة بقيت على الرصيف
تنبش وتدور على الرغيف
ضغطوا عليك وقلبوا الحال
وشيلوك هموم جبال
كل همك لقمة وهدمة
من غير ذل من غير صدمة
كل همك ترفع رأسك
وتحس الآلفة في وسط ناسك
حسرتى بقت عليكى
يا مصر يا للي أبتليتى
بعصابة كبيرة منظمة
تسرق وتنهب بمعلمة
شلة بلطجية مهندمين
عايشيين على دم المحرومين
ولو نطق واحد أو وجه سؤال
يترفع له قرن الغزال
لكن خلاص صحي المارد
اللي كان بفكره شارد
وبلقمة عيشه مشغول
وبكل البلاوى معلول
صحي وقام بثورته
مش كره لا ده محبته
محبته لبلده وأهله وناسه
اللي داقوا المر وأحتاسوا
الحمد لله على صحوته
اللي بينت محبته
فكرتنا بليالي زمان
بولادنا الأبطال الشجعان
فكرتنا بأيام سعد
وعرابي اللي فاق الحد
لا مش هنتحسر تانى
خلاص هنحقق الأماني
ونشوف عهد جديد
مفيش فيه عبيد
الكل حر بن حر
بيقول كفاية مر
بيقول هعلى مصري
وبيها هعيش عصري
ويلمع نجمي في الفضا
وأنول من تانى الرضا

الموضوع الأصلي: الحسرة // الكاتب: كريم يحيى // المصدر: خير بلدنا الزراعي

www.khairbaldna.net

كلمات البحث

راعي عام زراعه عامة .انتاج حيواني .صور زراعية .الصور الزراعية .هندسة زراعية.ارانب. ارنب.الارنب.خضر.خضار.خضر مكشوفة.محصول.محاصيل.المحاصيل.ابحاث زراعية.بحث زراعي.بحث مترجم.ترجمة بحثية.نباتات طبية.نباتات عطرية.تنسيق حدائق.ازهار .شتلات.افات.افة.الافة.حشرات.حشرة.افة حشريا.نيماتودا.الديدان الثعبانية.قمح.القمح.الشعير.الارز.ارز.اراضي طينية. اراضي رملية.برامج تسميد.استشارات زراعية .برامج مكافحة.امراض نبات .الامراض النباتية.مرض نباتي.فطريات .بكتيريا.كيمياء زراعية .الكيمياء الزراعيه.تغذية .التغذية.خضر مكشوفة.صوب زراعية.السمك.زراعه السمك.مشتل سمكي. زراعة الفيوم.مؤتمرات زراعية.مناقشات زراعية.التقنية.براتمج نت.برامج جوال.كوسة, خيار,طماطم.بندورة.موز.بطيخ؟خيار.صوب.عنكبوت.ديدان.بياض دقيقي.بياض زغبي.فطريا

[عبير]

خلاص يا مصر خلاص هانت
هترجع أيامك عزيزة زي مكانت

اولادك هيخلوا راسك مرفوعة
وكلمة الحق هتبقى مسموعة

اللي جاي هو زمن التغيير
للأفضل وحسن التسيير

اللي جاي هو عصر الحرية
افرحي يا مصر هتبقى متهنية

يعم أراضاكي السلم والأمان
وينزاح الكابوس أكنه ما كان

خلاص يا مصر افرحي
اضحكي وغني وارتاحي

هانت يا مصر خلاص هانت
بكرة نقول غمة وانزاحت




أبا وعد

تحية تقدير لبوحك الصادق ولإبداعك المييز

[كريم يحيى]

بأذن المولى لازم ترجع
ونشوف الخير هنا بيرجع
تكبر ولادنا فى أرضها
ويشوفوا خيرها وعزها
ويقولوا الله يرحمهم
اللى حفظوا كرامتهم
وضحوا بكل غالى
لمقام مصر العالى
هنرجع هنرجع بحبنا
لتراب مصر أمنا

[أم محمد]

شوف يا ابو وعد
تخيل بقى المارد ده
لما يبقى واحد بملايين
شباب زى الورد اتجمعوا وطالبين بس عدل وامان ولقمه وبيت
وفجأه
عاوزين يقطعوا لسانهم ويكسرولهم العين
انا لو عندى ابن فعمرهم والله لأقدمه لمصر هديه ولا يغلى عليها
تعرف يابو وعد
انا ليا عم من الشهدا
يعنى عارفين وحاسين بقيمة البلد
احنا لينا فيها دم وعم مالت زمان هو من دمنا ضحى زمان عشانها
ومش هنسكت ومش هنستسلم
ربنا ينصرنا
امين امين امين

[عبير]

اللهم آمين اللهم آمين اللهم آمين

[رباب]

اللهم كن لاهلنا في مصر ناصرا ومعينا

اللهم ارزقهم الامن والامان والسلامة والايمان

اللهم اااااااااااااااااااااااااامين يارب العالمين

[أم محمد]

اللهم انصرنا
يارب
يارب
يارب

[كريم يحيى]

(وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ * فَرِحِينَ بِمَا آتَاهُمُ اللَّهُ مِنْ فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِمْ مِنْ خَلْفِهِمْ أَلَّا خَوْفٌ عَلَيْهِمْ وَلَا هُمْ يَحْزَنُونَ * يَسْتَبْشِرُونَ بِنِعْمَةٍ مِنَ اللَّهِ وَفَضْلٍ وَأَنَّ اللَّهَ لَا يُضِيعُ أَجْرَ الْمُؤْمِنِينَ )

أن الله يمهل ولا يهمل ولن يضيع الأجر

كل الشكر على مروركن العطــــر