على اسم مصر

[كريم يحيى]

اسم مصر


على اسم مصر التاريخ يقدر يقول ما شاء


أنا مصر عندي أحب وأجمل الأشياء


بحبها وهي مالكة الأرض شرق وغرب


وبحبها وهي مرمية جريحة حرب


بحبها بعنف وبرقة وعلى استحياء


واكرهها وألعن أبوها بعشق زي الداء


واسيبها واطفش في درب وتبقى هي ف درب


وتلتفت تلاقيني جنبها في الكرب


والنبض ينفض عروقي بألف نغمة وضرب


على اسم مصر


مصر النسيم في الليالي وبياعين الفل


ومرايه بهتانة ع القهوة .. أزورها .. واطل


القى النديم طل من مطرح منا طليت


والقاها برواز معلق عندنا في البيت


فيه القمر مصطفى كامل حبيب الكل


المصري باشا بشواربه اللي ما عرفوا الذل


ومصر فوق في الفراندة واسمها جولييت


ولما جيت بعد روميو بربع قرن بكيت


ومسحت دموعي في كمي ومن ساعتها وعيت


على اسم مصر


أنا اللي اسمي حتحـور .. أنا بنت رع


مثـال الأمـومـة ورمـز الحـنـان


تفـيض حـلمـاتي وتمـلا الـتـرع


وتسـقـي البـشـر كلهـم والغـيـطان


نهايته يا مصر اللي كانت أصبحت وخلاص


تمثال بديع وانفه في الطين غاص


وناس من البدو شدوا عليه حبال الخيش


والقرص رع العظيم بقى صاج خبيز للعيش


وساق محارب قديم مبتورة ف أبو قرقاص


ما تعرف اللي بترها سيف والا رصاص


والا الخراب اللي صاب عقل البلد بالطيش


قال ابن خلدون أمم متفسخة تعيش ليش


وحصان صهل صحى جميع الجيش


على اسم مصر



النخل في العالي والنيل ماشي طوالي


معكوسة فيه الصـور .. مقلوبة وانا مالي


يا ولاد أنا ف حالي زي النقش في العواميد


زي الهلال اللي فوق مدنة بنوها عبيد


وزي باقي العبيد باجري على عيالي


باجري وخطوي وئيد من تقل أحمالي


محنيه قامتي .. وهامتي كأن فيها حديد


وعينيا رمل العريش فيها وملح رشيد


لكني بافتحها زي اللي اتولدت من جديد



على اسم مصر


مصر .. التلات أحرف الساكنة اللي شاحنة ضجيج


زوم الهوا وطقش موج البحر لما يهيج


وعجيج حوافر خيول بتجر زغروطة


حزمة نغم صعب داخلة مسامعي مقروطة


في مسامي مضغوطه مع دمي لها تعاريج


ترع وقنوات سقت من جسمي كل نسيج


وجميع خيوط النسيج على نبرة مربوطة


أسمعها مهموسة والا أسمعها مشخوطة


شبكة رادار قلبي جوه ضلوعي مضبوطة


على اسم مصر


وترن من تاني نفس النبرة في وداني


ومؤشر الفرحة يتحرك في وجداني


وأغاني واحشاني باتذكرها ما لهاش عد


فيه شيء حصل أو بيحصل أو حيحصل جد


أو ربما الأمر حالة وجد واخداني


انا اللي ياما الهوى جابني ووداني


وكلام على لساني جاني لابد أقوله لحد


القمح ليه اسمه قمح اليوم وأمس وغد


ومصر يحرم عليها .. والجدال يشتد


على اسم مصر


لللشاعر الكبير عم الشعراء صلاح جاهين

الموضوع الأصلي: على اسم مصر // الكاتب: كريم يحيى // المصدر: خير بلدنا الزراعي

www.khairbaldna.net

كلمات البحث

راعي عام زراعه عامة .انتاج حيواني .صور زراعية .الصور الزراعية .هندسة زراعية.ارانب. ارنب.الارنب.خضر.خضار.خضر مكشوفة.محصول.محاصيل.المحاصيل.ابحاث زراعية.بحث زراعي.بحث مترجم.ترجمة بحثية.نباتات طبية.نباتات عطرية.تنسيق حدائق.ازهار .شتلات.افات.افة.الافة.حشرات.حشرة.افة حشريا.نيماتودا.الديدان الثعبانية.قمح.القمح.الشعير.الارز.ارز.اراضي طينية. اراضي رملية.برامج تسميد.استشارات زراعية .برامج مكافحة.امراض نبات .الامراض النباتية.مرض نباتي.فطريات .بكتيريا.كيمياء زراعية .الكيمياء الزراعيه.تغذية .التغذية.خضر مكشوفة.صوب زراعية.السمك.زراعه السمك.مشتل سمكي. زراعة الفيوم.مؤتمرات زراعية.مناقشات زراعية.التقنية.براتمج نت.برامج جوال.كوسة, خيار,طماطم.بندورة.موز.بطيخ؟خيار.صوب.عنكبوت.ديدان.بياض دقيقي.بياض زغبي.فطريا

[عبير]

رائع يا أبا وعد

قرأت هذه الكلمات الفياضة إحساسا متدفقا مرات ومرات
ولم أستطع ردا عليه لما به من معان وتصوير صادقين
وكأني أعيش هناك وكأني ولدت هناك
لقد قرأت الكثير عن مصر ولي خلفية لا بأس بها عنها
لذا حينما قرأت هذه الكلمات أحسست فعلا أنني أعيش فيها
وسط أحيائها وأزقتها وميادينها
كلما كنت أقرأ عن مصر كنت أتخيل نفسي وسط كل ما أقرأه
لكنني هنا بالفعل أحسست أنني فيها حقا

لقد هرب الكلام مني
فشكرا لك على هذه اللحظة التي جعلتني أعيش في مصر

[د ربيع]

عاشت مصر حرة مستقلة
كريم الحبيب

يا أبن مصر الكبير
يا أبن عمرها الزاهر النضير
يا أيها الزائر المقبل من سفر مرهق طويل
عشت لمصر وعاشت مصر في دمك
هي لك وأنت لها ومنها
وهي أنا وأنت-- ونحن هي
فالحب حبنا واليوم يومنا
كلنا أبناء مصر
ومصر أمنا

لو لم أكن مصريا لوددت أم أكون مصريا
د ربيع

[كريم يحيى]

عبير

لك كل الشكر على هذه المشاعر تجاه مصر

دمتى بود

[كريم يحيى]

أخى وصديقى د / ربيع

نفسى أصرح

القلب بقى موجوع
والبطن تعبت من الجوع
وأنا نفسى أصرخ وأبكى
نفسى أقول وأحكى
على كل الهم اللى فى الصدر
وتعب القلب وكتر القهر
أقول للشباب كفاية كده
ولا أسكت وأسيبهم لده وده
خايف عليهم وقلبى وجعنى
محبوس الصوت وحد منعنى
من الأنفاس ومن الكلام
من حركة من حتى رد السلام
هو ده اللى تأثير النظام
اللى منعنا من الأحلام
اللى خلانى جبان
اللى سرق منى الإنسان
لكن لا أنا معاكوا يا شباب
هقف فى وش العذاب
وأقول كفاية هوان وذل
سيرتنا بقت على لسان الكل



الكلام ده خرج من جوايا وأنا بكلمك على الميل والله بنحبها

[د ربيع]

ما شاء الله أبو وعد
زادك الله من علمه و حساسيتك الكبيرة التى تترجم مباشرة إلى عبارات رقيقة معبرة

تحياتى لك
د ربيع

[أم محمد]

خلاص
معدش فى كلام
تعبنا
يارب
صبر شبابنا فالتحرير

[رباب]

فعلا دول شباب الامه ربنا يحميهم

سبحان من ثبت الشباب ونصرهم

ثبتكم الله يا شباب مصر , الابتلاء شديد ولكن الأجر عظيم

اللهم ارحم شهدائهم وأنزل السكينة في قلوب أهلهم

اللهم احفظ شعب مصر من كل سوء اللهم امييييييييييييين

[كريم يحيى]

كل الشكر على التواجد المميز والحضور الجميل