مالها شمسى أنطفت
عن عينى أختفت
وبدأت الضلمة تملا المكان
وهرب من جوايا الأمان
حسيت إحساس غريب عنى
بكا فرح ويمكن بغنى
بس أكيد موال كئيب
يوصف حزن قلبى الرهيب
ويحكى حكاية عاشق ولهان
عشق وقدم لحبيبه الأمان
فرش طريقه رمل وحنة
عاش وياه فى احلى جنة
نسى إن الطبع غلاب
وإن نصيبه فى دنيته العذاب
طبع الدنيا ولا الحبيب سيان
فى الآخر هو الندمان
يندم على عشرة ولحظة حب
وجرح غويط فى قلب القلب
يمكن مع الزمان يطيب
وينسى فى يوم غدر الحبيب
وتنور من تانى شمسه
تنسيه ذكريات أمسه
ولا يكتفى بنور القمر
ويبدأ مع ليله السهر
السهر مع النجوم
يشكى لها الهموم
تسمع وتتنهد عليه
من الحزن اللى مليه
مالها شمسى أنطفت
عن عينى أختفت
مواقع النشر (المفضلة)