كرهت السفر كرهته حتى اللى يجبلى سيرته
--------------------------------------------------------------------------------
كرهت السفر كرهته
حتى اللى يجبلى سيرته
اللى طلعوا القمر رجعوا
ما غابوا . ......قد غيبته
دايما مسافر لما الحب سافر
ما بقاش قلبى فاكر
حاجه من حلاوته
كرهت السفر كرهته
دا القلب فى بعد الحبيب
بيبقى حجر
الحب فيه بيغيب
ويضيع من السهر
شوف لما بتكون قريب
وراجع من السفر
بتكون جنبى غريب
وفين وفين لما بافتكر
موش قبل سنه يدوب
بس بتسبقنى بالسفر
لو كان سنه واتنين
ما كان ده فيّى يأثر
بتغيب دايما بالسينين
وتيجى شهر موش اكتر
واللى موش قصاد العين
حبه فى القلب بيصغر
ويضيع من القلبين
وانا وانت فى النهايه بنخسر
يا حبيبى العمر بيضيع
بتضيع احلا ايامه
ولما يروح الربيع
ايه غير الخريف قدامه
دا الوقت بيسرقنا
بنضيعه بس بأشواقنا
وكتابة جواباتنا
ومن كل دا ايه خدنا
موش كان احسن لو عشناه
وحبنا لسه معاه
كنا يا روحى كسبناه
موش يضيع ونضيع وياه
***********
مع تحياتى
مواقع النشر (المفضلة)