غمست سنك فى السواد يا قلم
عشان ما تكتب شعر يقطر ألم
مالك؟ جرالك ايه يا مجنون؟
وليه رسمت وردة وبيت وقلب وعلم
عجبى!!!
أهوى الهوى وهمس الهوى فى العيون
وبسمة المغرم . ودمعة الحنون
وزلزلات الحب نهـد الصبـا
أكون أنا المحبوب . أو لا أكون
عجبى !!
من من الناس اليوم يستطيع تحويل حياته كلمات
هؤلاء الناس الادباء صنعوا ذلك أريد معرفة الفصح هنا أهم أم الزجل؟
أنتظر ردود
وعجبى
غمض عينيك وارقص بخفة ودلع
الدنيا هى الشابّة وانت الجدع
تشوف رشاقة خطوتك تعبدك
لكن انت لو بصيت لرجليك .. تقع
!!عجبى
الدنيا من غير الربيع ميّته
ورقة شجر ضعفانة ومفتته
- لأ يا جدع غلطان تأمّل وشوف
زهر الشتا طالع فى عز الشتا
!!عجبى
أهوى الهوى وهمس الهوى فى العيون
وبسمة المغرم . ودمعة الحنون
وزلزلات الحب نهـد الصبـا
أكون أنا المحبوب . أو لا أكون
!!عجبى
مواقع النشر (المفضلة)