الدنيا مالها يا ترى
على طول ماشية لورا
وبتفرد ضلوعها علينا
ولا حد حاسس بينا
يا ست عيب عليكى
محدش منا معاديكى
وبنتمنى يوم بسمتك
وتتعدل لنا سكتك
مالها بدأت تضلم
والليل فى قلبى علم
علامة بلون السواد
خيمت على الفؤاد
وقعد يعد الأحزان
ويتمنى يوم الأمان
اللى حلم بيه أيام
وملقاش حتى السلام
أنا هنساها من تانى
طول العمر معندانى
وكأن بينا تار بايت
من العمر اللى فايت
مع أنى بحبها وبعيشها
وأشرب وأكل من عيشها
وأتمنى الفرحة مبتجيش
مع أنى مسالم ومفيش
فى القلب غير شوية حب
لكل الناس اللى فى الدرب
مع انى طيب وأبن حلال
بفرح وأغنى وأقول موال
موال حب لكل الدنيا
اللى بعتنى فى ثانية
مواقع النشر (المفضلة)