ممكن اسامحك لو رجعتلى اللى كان ممكن اسامحك
بس موش حتقدر ترجع الزمان موش حتقدر لوحدك
دى معجزه ما يقدر عليها انسان الا بارادة ربك
قسوة السنين قتلت فى قلبى حبك
والحب اللى كان بين قلبين هدمهم ظلمك
وبكايا مع الساهرين واللى شفته فى بعدك
وقولك ايه والا ايه وايه وايه أوصفلك
وبتطلب منى اسامحك ما اقدرشى أوعدك
****
آجى اذاى على قلبى اللى جانيت عليه
اللى كان مخلصلك فى حبى اذاى تانى ارضيه
بعد سينين عشتها فى بعدك وحدى وقلبى حبيبه مستنيه
من غير تفكير حيكون ردى
اللى كان فيّى زمان موش حتلاقيه
ضاع من قلبى الحنان اللى كان فيه زمان
وموش حتقدر ترجع اللى كان ولا حيكون بينا أمان
بعد الجرح اللى جرحتهولى بعد الهم اللى شيلتهولى
دى عايزه سينين على ما تخف جروحى
على ما يرجع فيىّ الحنين وترتاح فيىّ روحى
*******
سيبنى ارتاح سيبنى ما صدقت أنسى اللى راح سيبنى
من تانى اذاى راح نبنى اللى انهدم روح وسيبنى
ياما زمان كنت بتوعدنى وبتخلف
وعشان أصدقك كنت بتكدب وبتحلف
ومن كلامك كنت باعرف
وقول يمكن فى مره تصدق وانا عارفه الحق
ما افتكرشى قلبى تانى حيرق بعد ما نكسر وانشق
*********
طريقك ما بقاش هو طريقى
ياما قلتلك ياما لما نشف ريقى
وكان كلامى ليك من قلبى حقيقى
لما فرغ صبرى وتوقف شهيقى
وبعد ما رجعت فيىّ تانى أنفاسى
جيلى تقوللى حقك على راسى
طب تنسينى اذاى سينين الهجر
والسهر اللى سهرته واللى شربته من المر
كان كاس كل يوم منه باشرب
واحاول انسى بس ما قدرتش منه أهرب
وعشان تنسينى اللى كان موش حتقدر
*******
خايفه آجى تانى على نفسى اللى ظلمتها فى عمرى سينين
وارجع تانى ما اعرفشى نهارى من أمسى
وموش حتلقى ذى الاول فى قلبى الحنين
اللى مات فى قلبى وهو لسه جنين
والله لو قلت ليهّ ألف يمين موش حصدق
لانى ما سمعتش فى يوم منك كلمة حق
ولا الدموع اللى فى عنيك حتخلينى تانى أرق
************
عندما يعانق الفكر القلم تنهمر شلالات الإبداع حبلى بمعاني بوح يسري في أسماعنا فنحلق في أجواء الإبداع المخضرم وهناك تتراءى صور مرسومة بريشة قلب ينبض إحساسا يغمر القلوب فيجعلها تذوب وتنصهر ولا يبقى لها بد من ولوج عالم الجمال فترتسم داخل الإطار
عندما يعانق الفكر القلم تنهمر شلالات الإبداع حبلى بمعاني بوح يسري في أسماعنا فنحلق في أجواء الإبداع المخضرم وهناك تتراءى صور مرسومة بريشة قلب ينبض إحساسا يغمر القلوب فيجعلها تذوب وتنصهر ولا يبقى لها بد من ولوج عالم الجمال فترتسم داخل الإطار
ما اقدرشى تانى اسامحك 
رد مع اقتباس
المشاركة الأصلية كتبت بواسطة عبير العبير
مواقع النشر (المفضلة)