رد العفريت : إتلم موكوس على متعوس

[أم محمد]

لقيت الفانوس مرة ودعكته طلعلى عفريت… شبيك لبيك
قلت أنا للذل باى وودعته وللعفريت هاهريك هاهريك
قالى هأوأو يا إبن الإنسان دانا عفريت مارد بن جان
ما يهمني مكان ولا زمان واطلب وأنا عندى البرهان
*****************
أناعاوز قمح زُرع فى مصر ومرتب يكفى لآخر الشهر
وحكومة متعصرنيش عصر ومسؤولين يبطلوا فشر
وعاوز عيش من غير طوابير وإنفاق حكومى بدون تبذير
وانتخابات من غير تزوير ورئيس سابق أشوفه كتير
*****************
عاوز فى بيتى شيكارة دقيق وتبرير مقنع لأى حريق
ومجلس شعب بدون تصفيق وفى كأس العالم لينا فريق
وأكلة كباب مشوى على السيخ مع عيالى فى شرم الشيخ
وأشرب فى القسم عصير بطيخ وأخرج سليم بدون تلطيخ
ونفسى الضحكة ترجع تانى ورصيف للمشى أنا وخلاّنى
وجنيه مصرى زى البرانى يشترى حتة لحمة ضانى
*****************
رد العفريت عليا بغشم وقال يا مصرى ماكنش العشم
بص.. أنا ممكن أشيل الهرم واسدلك الأوزون اللى اتخرم
وأرجعلك الأكل اللى اتهضم وتمأمأ البقرة كأنها غنم
أبنيلك قصر من العدم وأقولك معنى شرم برم
بس طلباتك طلبات ملموس عقله خلاص أكله السوس
ده تخطيط يا بنى ومدروس إنك تعيش على طول موكوس
وأحنا بناخد منكوا دروس إزاى يبقى الجن متعوس
ويا ريت ترجعنى تانى الفانوس وأنا راضى أعيش محبوس
بدل ما أخرج واتبهدل زيك ويتلم موكوس على متعوس

الموضوع الأصلي: رد العفريت : إتلم موكوس على متعوس // الكاتب: أم محمد // المصدر: خير بلدنا الزراعي

www.khairbaldna.net

كلمات البحث

راعي عام زراعه عامة .انتاج حيواني .صور زراعية .الصور الزراعية .هندسة زراعية.ارانب. ارنب.الارنب.خضر.خضار.خضر مكشوفة.محصول.محاصيل.المحاصيل.ابحاث زراعية.بحث زراعي.بحث مترجم.ترجمة بحثية.نباتات طبية.نباتات عطرية.تنسيق حدائق.ازهار .شتلات.افات.افة.الافة.حشرات.حشرة.افة حشريا.نيماتودا.الديدان الثعبانية.قمح.القمح.الشعير.الارز.ارز.اراضي طينية. اراضي رملية.برامج تسميد.استشارات زراعية .برامج مكافحة.امراض نبات .الامراض النباتية.مرض نباتي.فطريات .بكتيريا.كيمياء زراعية .الكيمياء الزراعيه.تغذية .التغذية.خضر مكشوفة.صوب زراعية.السمك.زراعه السمك.مشتل سمكي. زراعة الفيوم.مؤتمرات زراعية.مناقشات زراعية.التقنية.براتمج نت.برامج جوال.كوسة, خيار,طماطم.بندورة.موز.بطيخ؟خيار.صوب.عنكبوت.ديدان.بياض دقيقي.بياض زغبي.فطريا

[كريم يحيى]

المصرى مش محتاج عفريت
ولا كتر رغى ولا حديت
المصرى بس يقوم
وينفض عنه الهموم
ويسعى فى أرضه بجد
ولا يسأل عن أى حد
يبنى ويعلى فى الدار
ونشوف نهضة إعمار
ويرجع العفريت للفانوس
ويوقف سرقة الفلوس
وشقى عمر جدوده
اللى رسموا حدوده

[د ربيع]

أختى الفاضلة أم محمد
تحياتى لكى و لإبداعك الراقى
تعالى معى لتشاهدى ما قاله شاعر السخرية أحمد فؤاد نجم فى حال المصريين

انت ف وطن ديمقـــــــراطي
طاطي راسك طاطي طـاطي
انت ف وطن ديمقراطـي
انت بتنعـــم بالحـرية بس بشرط تكون مطاطـي

لما تكون شغال بذمــة خايف على مصــلحة الأمــة
شغلك يطلع من غير لازمــة علشان مبيعلاش غير واطي
طاطي راسك طاطي طاطـــي
انت ف وطن ديمـــــقراطي

لما حاميها يكون حراميــها
وبلاده ورا ضهره رامـيـها
طالع نازل واكل فيـــــــــها
مسنود بالبدلة الظباطــــي
طاطي راسك طاطي طاطـــي
انت ف وطن ديمـــــقراطي

لما شــقاك يصــبح مش ليك
فقرك سد السكة علــــــــــيك
تتلفّت تلــــقى حـــوالـــــــيك
إما حرامي و إما عقــــاطي
طاطي راسك طاطي طاطــــي
انت ف وطن ديمقراطـــــــي

لماتلاقي بـــــلاد الـدنـيـــــــا
فيها البني آدم حــــاجة تانية
وانت في الطبقات الـــــــدنيا
قرد مسلسل أو وطواطــــي
طاطي راسك طاطي طاطـــي
انت ف وطن ديمقراطــــــي

لما الجهلة يبــــــقوا أمــامــك
أو فوقك ماسكــين ف زمامك
ويسوقك ع الهــلكة إمامك
تشرب م السم السقـــــراطي
طاطي راسك طاطــــي طاطي
انت ف وطن ديمقـــــــراطي*
*
لمــــا الكلـــمة تكون بتدينـك
لما تخبي ف قلـــــــبك دينــك
لما الذل أشوفه ف عيـــــــنك
هات إحباطك على إحباطــــي
طاطي راسك طاطي طاطـــي
انت ف وطن ديمقراطــــــي
انت ف وطن ديمقراطـــــــي

تقبلى تحياتى
د ربيع

[عبير]

عزيزتي المتألقة

أم محمد

رائعة أنت في اختياراتك كما في كتاباتك الشخصية
يزدهي عذب الكلام بمشاركاتك الأعذب

دمت بود وخير

[الشاعر شوقى غنيم]

الله الله الله يا ام محمد كلام جميل مقدرش اقول غير كدا عنه

ان شاء الله يا ام محمد ستكون مصر بلدنا بخير لأن الحريه

عادت الينا ولا خوف وبفكر أطول دقنى لأنى طولتها قبل كدا

والعفاريت بتوع أمن الدوله كانوا حياخدونى وهما دلوقتى

محبوسين مع عفركوش وانتهوا ولا رجعه لهم بفضل الله

الذى فجر فى قلوبنا هذه الثوره اللتى قضت على الفساد

تحيتى وتقديرى لموضوعك الأكثر من ممتاز